پاکستان کے صوبہ خیبرپختونخوا میں واقع جامعہ حقانیہ میں خودکش دھماکا، حامدالحق حقانی سمیت 6 افراد ہلاک

پاکستان کے صوبہ خیبرپختونخوا میں واقع جامعہ حقانیہ میں خودکش دھماکا ہوا ہے جس میں 6 افراد ہلاک اور متعدد زخمی ہوئے ہیں، ہلاک ہونے والوں میں حامدالحق حقانی بھی شامل ہیں۔

پاکستانی پولیس کے مطابق خود کش دھماکہ اس وقت ہوا جب بڑی تعداد میں لوگ نماز جمعہ کی ادائیگی کے لیے مسجد میں موجود تھے۔ ضلعی پولیس کے سربراہ عبد الرشید کے مطابق مدرسے کے سربراہ مولانا حامد الحق حقانی بھی مارے جانے والوں میں شامل ہیں۔

یہ حملہ کس کی جانب سے کیا گیا اس بارے میں ابھی تک کسی قسم کی اطلاعات موصول نہیں ہوئی ہیں۔